ساعات بنفترض أن حل المشاكل بيكون في شكل معجزة ، ولما المظلوم يشتد عليه الأذي ، يهون عليه يدوس علي مظلوم زيه ، يا تري قصة شارع السواح في الأميرية ممكن تقوللنا حاجة في الموضوع ده ؟
وايه علاقة خطب الجمعة بالموضوع أصلا ؟
Download the MP3 File
أترك تعليقا أو نقدا إذا أردت
18 comments:
يسلم فكرك
دى أحلى خطبه سمعتها على الاطلاق
فعلا أحنا محتاجين نربط الخطب بالحاضر وليس
الماضى
لازم كل واحد فينا يتغير الأول
ونبطل نضحك على نفسنا
ونأول هو ربنا مبيستجبش لدعانا ليه
لأنه ببساطه لايستجيب للمغيبين
فكرة جميلة جدا ياشريف...
أهنئك عليها...
وبانتظار المزيد...
في القلب
هي طلعت شكلها خطبة؟
مع اني مش قصدي قوي انها تطلع كدة
الماضي مهم
بس العيش في الماضي من اجل استجلاب المستقبل
يدمر الحاضر
اللي هو في الحقيقة الطريق الوحيد لبناء المستقبل
اشكرك علي المرور..والاستماع
ابو الفداء
اشكرك
اريد نقدا حتي تكون التجربة اكثر فائدة ..ونضجا
جزاكم الله خيرا
انت بتظلم الخطباء..لان اذا خطيب اذا عمل اللي انت بتقوله هيتعلق..والناس نادرا ما هتتدخل عشان تنقذه...فضلا عن انها لا تستطيع
مش كل خطيب قادر على ان يتكلم هكذا
مرة شيخ شهير وعضو في لجنة الفتوى قال ملاحظة في خطبة عن وزير سابق-كان حالي قوتها-منعوه من الخطبة اكثر من عام ويقال اعتقلوه ايضا
هل مفروض يبطلوا يتكلموا فيما يستطيعون الكلام فيه طالما مش قادرين يتكلموا في كل شئ
ومش عارف ليه حاسس ان فيه نغمة استهزاء بالغضب ضد الرسوم..والنغمة دي ماشية عند ناس كثير
ده اللي قدروا عليه
مش بيضحكوا على نفسهم
اللي احنا بقى بنعمله في المدونات بأمر الله هو جزء من اللي انت بتدعو ليه
صارم بيه
انا كنت حاسس بطلتك :))
نقطتين انت اتكلمت فيهم
الاولي
ان الشيوخ المعروفين ميقدروش يتكلموا في مواضيع زي دي
ويركزوا في الاشياء الاخري
والان وبعد خمسين سنة مما يسمي بالصحوة الاسلامية
انت شايف النتيجة ايه؟
..............
الثانية
انا مسخرتش من مشاعر الناس في الغضب
ولكن قارنت بين من حشدهم بسهولة للتظاهر
ولا يستطيع ان يقوم بربع هذا المجهود لتحسين حالة الناس الفعيلة علي الارض ورد حقوقهم وتغيير حياتهم بحق
انا بتكلم علي منهج تفكير يا صارم
منهج تفكير
المهم انت عامل ايه :)
حنشوفك امتي في ارض الواقع
؟؟؟
المشكلة في مصر امنية وانت عارف الأمن في مصر..والأمن قاصر الكلام على هذه المواضيع
فيه افراد ما بتخافش ...معاك....لكن كام في المجموع
اذا الخطباء اتكلموا في الموضوع بتاعك من ناحية دينية فثق في ثورة قريبة وعنيفة جدا في مصر..ولهذا الأمن يقطع رقاب من قد يتكلم في هذه الأمور في اماكن عامة وبشكل ديني لان ده اخطر شئ ممكن عليهم
هل ممكن نلاقي حل للمعضلة دي
في رأيي اول خطوة هي تغيير تركيبة ونفسية الأمن ذاته
تاني حاجة..اخراج الناس من خوفهم..ومش لازم يكون الخطباء من يفعل ذلك...اذا كانوا لا يستطيعون فلا داعي لتحميلهم اكثر مما يحتملوا
لكن لابد من خطوات اخرى....ايه..الله اعلم
قصدك هتشوفني فيزيائيا واللا تشوفني عموما يعني
فيزيائيا...انا مش في ارض الوطن-آل وطن آل - ومش عارف راجع امتى
اما عموما...فأنا موجود ان شاء الله..هذا ما اظنه على الأقل
helw awy el kalam dah
بص يا صارم
لو شيخ مؤمن بالله نازل طالع يقول الايمان هو الا تخشي الا الله
يبقي يقعد يتنيل علي عينه بقة وميقولليش قال الله وقال الرسول
يا اخي ده اللي بيعبد الخيارة عنده كرامة وبيقول لا للي ظلموه وهو لا يرجو لقاء الله ولا مؤمن بآخرة اصلا
يا صارم
متفتحنيش ما لحسن الحتة دي تعباني قوي بجد
اللي بيقول عودوا الي الله
اعود اليه ازاي
بكم واللا بنص كم؟
فالحين نلحوس في الاشياء التي لا تقيم حضارات ولا تحيي مجتمعات ولا تبني دول
ونيجي عند اهم شئ في كل دستور انساني ورباني
ونخيب ؟
يا صارم
امال بيهرونا قصص صحابة ليه وكلمة حق والايمان بالمبدأ
والدعاة دول والائمة شوية ..مش عاوز اتكلم بقة لحسن الرقابة مش حتسمح
يا صارم
امن ايه اللي يغير طبيعته؟
انت بتحلم يا صارم؟
اللي عايز يغير طاغية يوريله العين الحمرا
مش يتمحك في توبه في النهار
ويدعي عليه بالليل
كفاية كدة لحسن زهقت
اه وطن يا صارم
ولازم يتبني صح بقة
اه يبني انت فين؟
نقابلك يعني
بحق وحقيقي
:)
هاني
شكرا للاستماع
اي نقد او ملاحظات عشان بس التجربة تبقي انضج؟
li 7ad delwa2ty ma 3andish nakd
ana shayefha 7elwa bsra7a
gdida min no3ha
el madmon wel eslob 7elwin
el madmon 7aga el nas kolaha 3ayshaha
wel eslob hady min 3'ir sri7' wy fy nafs el wa2t mosh monotone ynayem
متشكرين يا هاني بيه
الملاحظات بتاعتك مهمة
خاصة ان بعضها تقني
انا شايف بقة عيوب واضحة في الملف ده
اولا حصل انتقال مفاجئ من قصة الميكروباس الي موضوع خطبة الجمعة بشكل يبدو انه مش سلس
ثانيا انا حاسس ان صوتي احيانا بيغشلق ويبقي غير واضح او بيبعد عن الميكروفون
بس ده انا عارف سببه وان شاء الله اتصرف في طبيعة المايك واجيب ستاند ليه
ثالثا
انا شايف ان كان ممكن اتكلم اكثر في نقطة تبرير الانسان المظلوم لنفسه بظلم غيره لان ده مسالة نفسية واعتقد اننا كلنا بنأذي ف بعض بالعقلية دي
بمعني انا ضحية وبالتالي اعمل من اللي اضعف مني ضحية لان ده اكثر شئ اقدر عليه
weaker link
فيه حاجات تانية بس مكسل اكتبها
واللي عنده المزيد يقول
ان شالله شتيمة
علي بركة الله
اممممممم
طب اما نتقابل بقى ان شاء الله
عشان فيه كلام ما ينفعش يتقال هنا
على فكرة يعني ومن البداية
نظريا انا معاك جدا
وكلامي ماكنش تشجيع على ثقافة الجبن
لكن عمليا بتكلم من ناحية...الممكن نعمله..الغير ممكن ننتظر حتى يكون ممكن
وموازنة المصالح والمفاسد
الله اعلم بالمستقبل القريب ..وقد يكون قريب جدا
من 25 سنة الجماعة الاسلامية كانوا بيقولوا كلام قريب..والتلمساني كان بيقول اصبروا
والآن اظن واضح من كان ابعد نظرا
وربنا يأجر الاثنين..من اجتهد فأصاب ..ومن اجتهد فأخطأ
حاليا هو مش وطن....وغيره مش وطن..وكلهم واحد..وكلهم المفروض يبقوا وطن...وكلهم عايزين يتبنوا
بس حتي جماعة الجهاد او الجماعة الاسلامية مكنتشي بتعلم ثقافة الجرأة
كانت بتعلم ثقافة العنف
واخطائهم دفع ثمنها ناس كثيرة قوي
وخلوا الحكومة والشعب والعالم في رعب دائم من كلمة اسلام او تيارات اسلامية
ثقافة الحرية واللي انا بتكلم عنها
ثقافة انسان
والدين عامل في خلق الانسان
ايا كان الدين
لو رحت امريكااللا تينية مثلا حتلاقي الناس هناك علي الرغم من حالهم الضنك
عندهم شوية كرامة وعزة
وميبحبوش حد يركبهم زي الانعام
والاغلبية فيهم مسيحيين كاثوليك
شوف جنوب افريقيا مثلا
ما بين مسيحيين ومسلمين ووثنيين
اقصد ان حتي الدين بمعني اي دين قادر علي ان يشارك في خلق الثقافة دي
مش يخلق عكسها
واحنا ماشيين بالعكس
وباسم الله برضك
يا جبن
يا عنف
يا تدمير
يا نقمة علي الشرق والغرب
وباسم الله
احنا بننتحر وفاكرين اننا علي الجادة
وانا زهقت
من الانتحار الجماعي ده
اما اشوفك بقة يا صارم
وياريت قريب
انت فين دلوقتي صحيح ؟
مش عارف اناقشك يا شريف
والموضوع محتاج تغيير فعلا
باختصار
عندك حق في دي
نتقابل بقة يا عم الحاج
لو انت برة مصر
اول متيجي انت عارف سكتي
ابعتلي ايميل ونتقابل
في حفظ الله
Dear Sherif its me Amira again, kalamak fekreto and the principle is good, bas I want to tell u something, fii nas kitir "el kahr" deprives them of asking for their rights, u know the person has to satisfy his basic needs (akl we shorb we noum) to start thinking of more rights, el motalba bel 7a2 is a luxury to many people ... I am sorry for that bas heya dih el 7a2i2a, people go "mozahrat" for Denmark Jokes, cuz its the easiest think that needs no effort to think about.. ay 7aga sahla keda.. agri waraha to get out "el kabt we khalas".... mafish alb wala 3a2l nfakar bih..
Amira
انا معاكي يا اميرة
بس برضك سقف المطالب مهم
يعني انا بقول نطالب بمنع التوريث وتغيير الحكومة قد يكون من الخيال
لكن لما الناس تطالب بتحسين معايشها
ومنها تحسين الطريق مثلا
ده مش من جملة الحاجات اللي هما دايما مهتمين بيها؟
بمعني ان المطالبة بالحقوق البسيطة هو ادني شئ اصلا
يعني ما فيش ادني من كدة
ولو خطب الجمعة ودروس الاحد
ركزت علي معني المطالبة بالحقوق
حيكون فيه نوع اخر من الناس بعد فترة
انا عارف ان الخروج في مظاهرة ضد اليهود
ولا الكاريكاتور
سهل
لانه لا ينبني عليه شئ تقريبا
بس لو الناس فاكرة ان ده هو اللي بيخليهم مؤمنين بجد
يبقي هما ف غيبوبة
انا شخصيا مش بدعو للتظاهر
انا بدعو لحاجة اسمها التجمع من اجل الحصول علي الحق في اي شكل
اشكرك علي المرور يا اميرة والاستماع
:)
Post a Comment